Kacekek lantaran BBM naek

Ku Iwan Kartiwa

Ngaliwatan media sagala beja nu aya di ieu nagari kadangu sadayana, sabaraha wanci ka tukang urang sadaya ngadangu beja yen BBM atanapi bahan bakar minyak rek di taekeun dei ku pamarentah, reuwas puguh atuh ngedangu warta kitu teh,  na rek kumaha nasib rahayat anu kahirupanna geus kabelit ku kasusah, nya beki cing jarerit atuh meureun, da pasti nalika harga BBM naek sagala rupa-rupa hahargaan oge pasti bakal naek, samentara ngala duit beki hese mun ceuk kolot mah, lamun urang ngemut pasti bakal aya rasa panasaran hayang apal naha naon sabenerna nunyababkeun ieu harga BBM teh taun ka taun bet di taekeun wae.

Dina  poe salasa 18 juni 2013 nu maca Koran pikiran rakyat didinya pasti ninggal aya warta ngeunaan kanaekan harga BBM, pas di tinggal nu janten sabab harga BBM teh geuningan kondisi bangsa Indonesia teu mandiri  jeung duih katahanan ekonomi oge energina lemah. sigana mun Soekarno masih keneh aya pasti anjeuna  ceurik nalika rahayat Indonesia cing jalerit gara gara harga BBM di taekeun, padahal baheula SOEKARNO pernah nyarita yen rahayat Indonesia kudu bisa berdikari,  atanapi berdiri diatas kaki sendiri, hartian urang Indonesia teh kudu mandiri,  inti namah kabelah dinya. Tapi wanci kiwari nu ku urang ka tinggal urang Indonesia sakitu ketergantunganna ka dunia barat, tah sigana nu matak ayeuna harga BBM naek oge gara gara eta.  Padahal lamun mah ku urang di tingali naon atuh anu kurang ti nagri anu ku urang di pika cinta ieu, kakayaan alam ngalimpah ruah ceuk paribasa na bro di harepen panto ngalayah di tengah imah, bakat teuing ku loba kakayaan alam nu aya di Indonesia, pertanyaanna naha urang Indonesia beut teuacan bisa mandiri, jeung ekonomi na masih keneh lemah wae, lamun baheula jaman soekarno mah kaharti  urang Indonesia masih keneh can mampu ngamangpaatkeun kakayaan alam anu ngalimpah ruah da Sumbar daya manusa na masih keneh lemah, wajar karek lepas ti panjajahan, tapi wanci kiwari sarjana geus ngalayah di mana-mana, tapi naha beut kieu masih keneh loba rahayat anu kacekek ku kabijakan pemerintah anu teu ninggali kana kaayaan rahayat leutik.

Cobi urang emutan naon maksud pamarentah naha bet nganaekeun haraga BBM, kahiji panginteun keur nyetabilkeun kaayaan duit Nagara, kadua keur mayaran hutang Nagara ka luar anu lumayan lobana, ngan raraosanmah  teu kieu kieu carana, da geuningan geus kacontoan sababaraha taun ka tukang nalika BBM ditaekeun sakitu rahayat cing koceakna, cobi atuh di pilari deui cara nu leuwih hade anu tahan lama sangkan masalah samodel kieu teh teu timbul deui, lamunmah masalah urang Indonesia teu bisa mandiri sok atuh bangun jiwa mandirina, bere kasempatan urang Indonesia keur nyepengan bagian bagian penting tina kagiatan ekonomi nagara, tong di bikeun wae ka bangsa sejen. Nu akhirna rakyat Indonesia mah jadi budak di nagarana sorangan, conto leutik mun aya proyek teh atuh tawarkeun heula ka urang Indonesia da simkuring yakin loba urang Indonesia anu palinter, anu bisa ngolah kakayaan nagara Indonesia.

Inget naon anu geus di firman keun ku Alloh SWT “Alloh moal ngarubah hiji kaum kajaba kaum eta daek ngarubahna sorangan” kukituna hayu urang robah nagara ieu babarengan sangkan NAGARA MAJU RAHAYAT OGE MAKMUR. Ulah kadenge deu beja rahayat kacekek gara2 BBM naek.